AUSTRALIA IMETOA PICHA ZA SETELITE ZI NAZODAIWA NI MABAKI YA NDEGE ILIYOPOTEA MALAYSIA

Harakati za kutafuta ndege ya Malaysia

Nchi hio inashirikiana na Norway, New Zealand na Marekani kutafuta mabaki hayo.

picha ya setelite ikionesha mabaki ya yanayodhaniwa ni ya ndege hiyo

Upepo mkali na mvua zilitatiza juhudi hizo hii leo na kusababisha shughuli hiyo kusitishwa. Hata hivyo msako huo utaendelea siku ya Ijumaa.

Waziri mkuu wa Australia Tony Abbott mapema leo aliambia bunge la nchi hio kuwa picha zilizonaswa na mitambo ya Satelite ya nchi hio baharini, zilionekana kama vipande viwili vya mabaki ya ndege hiyo.

Kipande kimoja kilikuwa na urefu wa mita 24.

Bwana Tony Abbott,aliambia bunge kuwa hii ni taarifa mpya na iliyothibitishwa.

Lakini maafisa wakuu nchini Malaysia wametahadharisha kuwa mabaki hayo huenda sio ya ndege yake, ambayo ilipotea siku kumi na tatu zilizopita ikiwa imewabeba watu 239 kuelekea Beijing.

Mabaki hayo yalionekana umbali wa kilomita elfu mbili miatano Kusini Magharibi mwa mji wa Perth.

>>BBC<<

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro