Kamanda Kova ahusishwa na Freemason

Kamanda wa Polisi Kanda Maalum ya Dar es Salaam, CP Suleiman Kova akizungumza na waandishi wa habari  (hawapo pichani)

KIMENUKA! Kamanda wa Polisi Kanda Maalum ya Dar es Salaam, CP Suleiman Kova, wiki iliyopita alifunguka kuwa, kuna watu wamekuwa wakimhusisha na imani ya Freemason.

Kamanda Kova aliyasema hayo alipokuwa akizungumza na waandishi wa habari kuhusu hali ya usalama wa mkoa wake kuelekea Sikukuu ya Krismasi na Mwaka Mpya.

“Wananchi wanatakiwa kuwa makini na hawa watu ni hatari sana,wamekuwa wakitoa namba zao za simu na kuwatangazia wananchi wanaotaka kujiunga nao ili wawe matajiri wapige namba walizotoa ili wajiunge baada ya kutoa fedha, nashangaa hata mimi watu wameshawahi kuniita Freemason wakati siyo kweli,” alisema Kamanda Kova.

“Kwanza ninavyojua mimi Freemason anakuwa tajiri, anakuwa na mali nyingi sasa mimi nina mali gani mpaka watu waseme ni Freemason?” aling’aka Kamanda Kova. Kova hakufafanua ni kwa nini amekuwa akiitwa Freemason ingawa aliwataka wananchi wajihadhari na imani hiyo.

“Polisi wanatoa tahadhari kwa wananchi kwa watu wanaojiita Freemason na kutoa namba zao, hawa ni hatari sana, ni matapeli, hawafai ndani ya jamii, watashughulikiwa,” alisema Kova.Katika mkutano huo na waandishi wa habari Kova alisema kwamba msako mkali umeanza dhidi ya wahalifu na wale wote wanaovunja sheria ikiwa ni pamoja na madereva wa pikipiki na magari.

CDT..GPL

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro