Picha: H.Baba na mkewe Flora Mvungi wapeana tuzo, sherehe zafana

Msanii wa muziki H.Baba akishirikiana na mke wake Flora Mvungi Jumamosi ndani ya Giraffe Ocean View Hotel wamefunga ukame wa tuzo kwa kupeana wenyewe kwa wenyewe baada ya kuona kila mmoja kati yao ana mchango kwenye muziki na filamu.

Rais wa shirikisho la wasanii Ado Novemba akimkabidhi tuzo ya msanii bora wa kutumbuiza H.Baba

Tuzo hizo zinazotambulika kama ‘Tuzo za kifamilia’ zilihudhuriwa na rais wa shirikisho la filamu Tanzania, Simon Mwakifamba, rais wa shirikisho la muziki, Ado Novemba, wanafamilia mbalimbali pamoja na waandishi wa habari na zilifanyika kama tuzo zingine zilivyo.

Wengine walioibuka na tuzo ni Muongozaji mkongwe wa filamu Jully Tax pamoja na mtoto wa H.Baba ‘Tanzanite’.

Rais wa shirikisho la filamu Tanzania Simon Mwakifamba akimkabidhi tuzo Flora Mvungi ya muigizaji bora wa kike

Akizungumza na wadau mbalimbali, H.Baba ambaye amepata tuzo ya mtumbuizaji bora wa muziki, alisema yeye ndio msanii anayestahili kupata tuzo kama hiyo kwa Tanzania.

H.Baba akizungumza huku akiwa ameshika tuzo yake

“Tuzo hii hapa ni ya mtumbuizaji bora Tanzania,” alisema muimbaji huyo. “Mimi nina tuzo ya East Africa mtumbuizaji bora, Tanzania sina hata tuzo moja kwa sababu ya nini nimeshatangaza naanzisha hii tuzo kwa akili timamu na wala sivuti bangi. Mimi sivuti sigara wala sinywi pombe, kama kuna msanii anaona hii tuzo sio halali yangu mimi ajitokeze. Promota yoyote ajitokeze huyo msanii alipwe pesa mimi nita- perform bure na awadhihirishie watanzania kwamba yeye ni mkali ya stage Tanzania. Kama ananizidi mimi, promota amlipe yeye ila mimi kama H.Baba nitaperform bure na nitakuja peke yangu na yeye inatakiwa aje peke yake. Kwa sababu kuna Kiswahili fasaha ambacho kinakosewa kuna neno linaitwa mtumbuizaji bora na kuna watumbuizaji bora. Mimi ni mtumbuizaji bora, wengine ni watumbuizaji bora,” alijinadi H.Baba.

Bonyeza hapa kuangalia picha zaidi

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro