KILI MUSIC TOUR YAZINDULIWA RASMI JIJINI DAR, KUANZA MEI 24 MKOANI KILIMANJARO

Meneja wa Bia ya Kilimanjaro Premium Lager akiwa na baadhi ya wasanii watakaoshiriki katika Kilimanjaro Music Tour iliyozinduliwa Jijini Dar es Salaam. Ziara hii inayodhaminiwa na Kilimanjaro Premium Lager,

itafanyika kuanzia mwezi huu hadi Agosti mwaka huu katika mikoa 10.

KILI MUSIC TOUR KULETA MSISIMUKO MIKOANI

MEI 13, 2014: Bia ya Kilimanjaro Premium Lager imeandaa ziara maalumu ya wasanii maarufu kama Kili Music Tour 2014 ni ziara maalum ya wasanii maarufu zaidi ya 30 ambao watatoa burudani kwenye mikoa isiyopungua 10 hapa nchini kuanzia mwezi Mei hadi Septemba 2014 lengo ikiwa ni kupeleka muziki wa Tanzania kwenye kilele cha mafanikio.

Meneja wa Bia ya Kilimanjaro Premium Lager Bw. George Kavishe alisema Kili Music Tour 2014 itahusisha mikoa ya Moshi, Mwanza, Kigoma, Kahama, Iringa, Mbeya, Dodoma, Tanga, Mtwara na Dar es Salaam.

“Ziara hii itaanzia Mkoani Moshi Mei 24, Mwanza Mei 31, Kahama Juni 7, Kigoma Juni 14, Iringa Juni 21, Mbeya Agosti 9, Dodoma Agosti 16, Tanga Agosti 23, Mtwara Agosti 30, Dar es Salaam Septemba 6,” alisema Kavishe.

Wasanii watakaotoa burudani ni pamoja na Diamond, Ommy Dimpoz, Linex, Professor J, Izzo Biznez, Kala Jeremiah, Fid Q, Snura, Weusi, Ben Paul, Mzee Yusuph, Shilole, Mwasiti, Ney wa Mitego, Mwana FA, Khadija Kopa, Juma Nature, Warriors, Madee, Young Killer, Jambo Squad, AY, Venessa Mdee, Mashujaa Band, Rich Mavoko, Chriatian Bella.

Bw. Kavishe alisema lengo la Kili Music Tour 2014 ni kupeleka wasanii kwenye sehemu ambazo aina za muziki wao na mitindo yao inakubalika zaidi ili kuwapa wananchi fursa ya kuwaona wasanii hao moja kwa moja.

“Hii pia ni fursa kwa wasanii kuweza kutambulisha kazi zao katika mikoa hiyo na hatimaye kuongeza fursa kwa mauzo na kukubalika katika mikoa hiyo,” alisema.

Kwenye kila mkoa ambapo litafanyika tamasha, wasanii wanaochipukia kutoka mikoa hiyo watapewa fursa ya kutumbuiza katika utangulizi. Hii ni kuwajengea uwezo wa kujiamini na pia hili litakuwa ni jukwaa la kuonyesha vipaji vyao.

Kili Music Tour itatangazwa kupitia vyombo mbalimbali vya habari na kupitia promosheni ambazo zitafanyika katika mikoa yote husika.

“Kili Music Tour itakuwa ni burudani kubwa ya aina yake kutokana na motisha zilizoandaliwa ili kuhakikisha wasanii wako katika hali na mazingira mazuri kuweza kutoa burudani yenye kiwango bora,” alisema Bw Kavishe.

Ziara hii itaratibiwa na East Africa TV na Radio, Executive Solutions na Integrated Communications.

ENDS

Michael Mukunza
Media Manager 
Executive Solutions Limited
Plot 74 Block 45B, Executive Junction
Ali Hassan Mwinyi Road 
P O Box 1601, Dar es Salaam 
Mob 1: +255 776978302 l Mob 2: +255 714683451 l Fax: +255 22 2122027 
Email: m.mukunza@executivesolutions.co.tz  l Alternative Email: mikemukunza@gmail.co

 

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro