ATHUMANI IDD 'CHUJI' AJIONDOA KWENYE KIKOSI CHA STARS

 
                                               Athuman Idd ‘Chuji’.
KIUNGO mkabaji wa Taifa Stars, Athuman Idd ‘Chuji’, ametangaza kujiondoa kwenye kikosi hicho.
huji, anayeichezea Klabu ya Yanga, ametoa kauli hiyo baada ya kipigo cha bao 1-0 ambacho Stars ilikipata dhidi ya Uganda ‘The Cranes, juzi kwenye Uwanja wa Taifa, Dar es Salaam katika mchezo wa kufuzu Fainali za Kombe la Afrika kwa Wachezaji wa Ligi za Ndani (Chan).

Akizungumza na Championi Jumatatu, Chuji alisema muda wake wa kukitumikia kikosi cha Stars umefikia ukingoni, hivyo ameamua kuwaachia vijana wanaokuja kwa kasi katika soka.
Chuji alisema anaamini kujiondoa kwake Stars kutawapa nafasi vijana, hivyo amepanga kukabidhi barua kwa Shirikisho la Soka Tanzania (TFF), hivi karibuni.
“Muda wangu wa kuichezea Stars umefika ukingoni na huu ni muda muafaka kwangu kujiondoa katika timu hiyo, badala yake nitaelekeza nguvu kwenye klabu yangu ya Yanga.
“Hayo ni maamuzi yangu binafsi ili kuwapa nafasi wachezaji vijana wanaochipukia katika soka, nimepanga kukabidhi barua ya kujiondoa hivi karibuni,” alisema Chuji.
Katika hatua nyingine, nahodha wa Uganda, Waswa Hassani, ameshangazwa na kitendo cha Kocha Mkuu wa Stars, Kim Poulsen kumuweka benchi mkongwe huyo katika mchezo wa juzi.
“Mimi nilipoona Chuji anaanzia benchi nikapata matumaini ya kuwafunga Stars, ni kati ya wachezaji ambao nawahofia sana, ana uwezo mkubwa, sasa nashindwa kuelewa sababu ya kuwekwa benchi,” alisema Waswa.
Chuji, aliyechipukia kisoka katika kikosi cha Polisi Dodoma, amekuwa mchezaji wa Stars kwa muda mrefu na amekuwa akiitwa mara kwa mara, licha ya siku za hivi karibuni kukosa nafasi katika kikosi cha kwanza.
                               source GPL

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro