Mlinzi wa mahakama auawa kikatili, Morogoro

Mwili wa marehemu ukiwa umepakiwa ndani ya gari ya polisi

Watu wasiojulikana wamemuua mlinzi wa mahakama ya Kingulwira mjini Morogoro kwa kumkata panga kichwani na kunyofoa baadhi ya viungo na kisha kutupa mwili wake katika mashamba ya pangawe mjini Morogoro.

EATV imefika katika eneo hilo na kukuta mwili huo ukiwa umeharibika vibaya huku baadhi ya viungo vikiwa vimenyofolewa ambapo kwa mujibu wa mashuhuda na ndugu wa marehemu wamesema mtu huyo alipotea nyumbani takribani siku kumi na mbili zilizo pita hadi alipo okotwa na wachunga ng`ombe akiwa ameuawa na mwili wake ukiwa umeharibika.

Kwa upande wake mwenyekiti wa mtaa wa tambuka reli Adamu Mwamganga amesema amepata tarifa hizo kwa wachunga ng`ombe kisha kutoa tarifa jeshi la polisi ambapo ameeleza marehemu alikuwa na ugomvi na ndugu zake kuhusu mashamba huenda ndicho chanzo cha kifo chake .

Jeshi la polisi limethibitisha kutokea kwa tukio hilo na kuuchukua mwili wa marehemu na umehifadhiwa katika chumba cha kuhifadhia maiti wakati uchunguzi bado unaendelea.

Chanzo:EATV

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro