Mh January Makamba Aguswa na Kukidhiri kwa Ajali za Barabarani Kila Siku Hizi Ndio Sentensi 10 Alizozungumza.

Ajali za barabarani hazipaswi kuonekana kama jambo la kawaida. Kusafiri kwa basi hakupaswi kulinganishwa na kujitoa muhanga. Nilipendekeza:

1. Kuwe na taasisi mpya ya "Highway Patrol" yenye magari ya kutosha na askari waadilifu. Traffic kuwa na vijiwe mahsusi barabarani haisaidii.

2. Magari ya abiria yawe na kifaa ambacho kinatoa mlio mkali ndani ya basi spidi inapozidi na kutuma automatic SMS kwenye namba Maalum polisi.

3. Highway Police wawe wanazunguka barabarani kila wakati badala ya kuwa na geti tu au kijiwe cha kupumzika.

4. Iwapo ajali itapatikana kutokana na ubovu wa basi, leseni ya kampuni ya mabasi isimamishwe. Hii itawafanya wenye mabasi wawe makini.

5. Magari yanayoharibika barabarani hayapaswi kupaki highway siku tatu yanapaswa kupewa masaa matatu kutengenezwa au kuondolewa barabarani.

6. Mamlaka ya usimamizi wa Usalama Barabarani kati ya SUMATRA na Polisi yabainishwe wazi ili kuwe na uwajibikaji.

7. Huduma za dharura za uokoaji wakati wa ajali, ikiwemo uwepo wa helikopta, ni muhimu, na hii iende sambamba na kuboresha huduma katika hospitali zetu. Watu wengine hufa kwa kuvuja damu nyingi tu.

8. Ujenzi wa barabara, kwa maana ya upana wa barabara, mabega na madaraja na alama na ishara za barabarani ni muhimu ukawa wa viwango.

9. Anapokamatwa dereva anayeendesha kwa uzembe, leseni yake isimamishwe papo hapo. Akiwa amelewa asiruhusiwe kuendesha tena gari la abiria.

10. Ndani ya basi, au kwenye tiketi, kuwe na namba za simu za kupiga au kutuma ujumbe Polisi abiria wakiona uendeshaji wa dereva hauridhishi.

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro