Diamond aiachia video ya ‘Ntampata Wapi’ MTV Base na vituo vingine vya nje!

Diamond Platnumz jana aliachia video ya wimbo wake mpya ‘Ntampata Wapi’ kupitia MTV Base na vituo vingine vya runinga vya nje. Video hiyo iliyoongozwa na Godfather Productions, ina hadithi inayoweza kuwa na maana nyingi.

Kuna scene yenye watu wengi wakiwa kwenye sherehe ambapo Diamond anaonekana akipiga violin na mrembo mmoja mwenye gauni jekundu kumzimikia. Diamond anapata nafasi ya kucheza muziki na mrembo huyo. Diamond anakuwa pamoja na msichana huyo ambapo kuna sehemu anaonekana akimchora picha yake na kufurahi pamoja.

Licha ya msichana huyo mrembo kumpenda staa huyo, script inampa mtazamaji wa video tafsiri mbili. Ya kwanza anapata vishawishi vingi vya kuwa na mwanaume (mtu mzima) mwenye fedha nyingi anayemnunulia vitu vya thamani ikiwa ni pamoja na magari. Lakini pia huenda mzee huyo anaweza kuwa ni baba yake anayempenda mno binti yake kiasi cha kuwa karibu naye muda wote na hivyo kumnyima nafasi Diamond ya kuwa naye atakavyo. Kuna scene ambayo mzee huyo anamzawadia binti yake Lamborghini.

Kuna scene wanaonekana wakiwa pamoja kitandani wakifurahi pamoja na kisha Diamond kuamka na kugundua kuwa kumbe ilikuwa ni ndoto tu.

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro