Breaking: JAJA Ajiondoa Rasmi Yanga, EMERSON Achukua Nafasi Yake

MSHAMBULIAJI Genilson Santana Santos ‘Jaja’ amejiondoa Yanga SC

akiwa likizo nchini mwao, Brazil na sasa nafasi yake itazibwa na

kiungo mkabaji, Emerson Oliveira Neves Roque, Jaja amesema ana matatizo ya kifamilia yanayomzuia kurejea

Tanzania kufanya kazi.

Emerson mwenye umri wa miaka 24 mzaliwa wa Rio de Janeiro,

anakuja Yanga SC akitokea klabu ya Bonsucesso ya mjini humo, ambayo imewahi kucheza Ligi ya Serie B

mara mbili, ingawa kwa sasa inacheza ligi ya jimbo la Rio.

Mchezaji huyo anatarajiwa kuwasili Dar es Salaam Jumanne kwa ajili

ya kufanyiwa majaribio na akifuzu atafanyiwa vipimo vya afya, kabla

ya kusajiliwa. Wazi mchezaji huyo ana nafasi ya kusajiliwa Yanga SC

kwa kuwa analetwa na kocha Maximo.

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro