TP MAZEMBE YATUPWA NJE KLABU BINGWA AFRIKA ,AS VITA KUCHEZA FAINALI NA SETIF

Entente Setif ya Algeria imetinga fainali ya Klabu Bingwa Afrika 2014 kwa magoli ya ugenini, licha ya kupoteza mechi yake 3-2 dhidi ya TP Mazembe ya Jamhuri ya Kidemkrasi ya Kongo.

Mazembe waliopoteza mchezo wa kwanza wa nusu fainali nchini Algeria 2-1, walikuwa wakiongoza kwa 3-1 na kuonekana huenda fainali ingekuwa ya kihistoria dhidi ya AS Vita- kwa mara ya kwanza kati ya timu zote kutoka DRC. 

Lakini Setif walipachika bao muhimu la ugenini, dakika 11 kabla ya mpira kumalizika na kujihakikishia nafasi hiyo.

Goli hilo lilifanya matokeo kuwa 4-4, Setif ikiingia fainali kwa sheria ya magoli ya ugenini na kuifanya klabu hiyo kucheza fainali ya kwanza tangu waliponyakua Kombe hilo mwaka 1988.

Setif itacheza fainali na AS Vita.

Mchezo wa kwanza wa fainali utachezwa DRC Oktoba 26 na mchezo wa marudiano kuchezwa Algeria Novemba mosi.

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro