Je una simu mpya ya iPhone 6? Tetesi simu hizo kujipinda

Wataalamu wana hisia mseto kuhusu ikiwa Apple inapaswa kujibu madai ya iPhone 6 kujipinda

Watafiti wamechanganyikiwa kuhusu ikiwa kampuni ya Apple inapaswa kutoa kauli yake kuhusu ripoti kuwa simu yake mpya ya iPhone 6 inajipinda mtumiaji anapoishi kuiweka ndani ya mfuko wa suruale yake.

Watu kadhaa ambao ni watumiaji wa iPhone 6 wamekuwa wakituma picha zao kwenye mtandao wa MacRumors ambazo zineonekana kuonyesha simu zao zikiwa na tatizo hilo.

Mwandishi wa habari kwenye mtandao wa 'Geek.com' pia aliripoti kuwa simu yake ye iPhone 6 imejipinda.

Na haijulikani nini hasa kinachoifanya simu hiyo kujipinda, baadhi wakisema huenda ni gamba lake ambalo limetengezwa kwa madini ya Aluminium ambalo linaifanya rahisi kwa simu hiyo kujipinda.

Taarifa za iPhone 6 kujipinda hazijaripotiwa tu kwenye blogu za habari za kiteknolojia bali pia kwenye vyombo vya habari kama Independent, the Washington Post, India Today na the Sydney Morning Herald.

Baadhi ya watu wameku wakituma picha za simu zao zilizojipinda

Russell Holly, anayefanyia kazi mtandao wa habari wa geek.com,ni mmoja wa wale walioripoti kuwa simu yake imejipinda.

Watumiaji wa mtandao wa kijamii wa Twitter, wametu moani yao kuhusu habari za simu hiyo kujipinda.

BBC ilijaribu kuwasiliana na Apple kuhusu ripoti hizo lakini haijasema chochote mpaka sasa.

Mmoja wa wataalamu wa maswala ya kiteknolojia, anasema kuwa kampuni ya Apple inapaswa kuchunguza malalamiko hayo na hata kutoa taarifa rasmi haraka iwezekanavyo.

Jasdeep Badyal anasema kuwa Apple inapaswa kujibu madai hayo na kisha ikiwa ni kweli, basi inapaswa kuchukua hatua ya kuwapa simu mpya watu walioripoti kuwa simu zao zimejipinda.

Aliongeza kuwa hata kama kulikuwa na simu kdhaa tu zenye tatizo hilo, kampuni hiyo inapaswa kutoa taarifa na kueleza kilichofanyika.

>>>BBC

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro