March 16, 2025 03:10:37 PM Menu
 

Share this PostPin ThisShare on TumblrShare on Google PlusEmail This

Baadhi ya wasafiri na wanakijiji wakitizama daraja la Kirurumo lililoharibiwa kwa mafuriko na kukata mawasiliano kati ya Karatu, Ngorongoro na Serengeti.
 
Mamia ya wasafiri waliokuwa wakitokea Karatu kuelekea Arusha, Dar es Salaam na maeneo mengine ya nchi, wameshindwa kuendelea na safari baada ya kushindwa kuvuka mto Kirurumo uliopo mpakani mwa Wilaya za Karatu na Monduli, baada ya mto huo kufurika na kufunika barabara kutokana na mvua za masika zinazoendelea kunyesha.
  
 
Mwandishi wa habari wa TBC aliyeko Manyara ameripoti kuwa miongoni mwa watu waliokwama ni pamoja na watalii waliokuwa wakitoka katika hifadhi za Taifa za Serengeti na Ngorongoro, na abiria waliokuwa wakisafiri kwa basi la Dar Express ambalo lililazimika kurejea mjini Karatu kwa kushindwa kuvuka mto huo.
 
 
Abiria wengine waliokuwa wakisafiri kwa basi la Sai Baba kuelekea jijini Dar es Salaam nao hawakuweza kuendelea na safari yao kutokana na marufiko hayo.
 
Mto huo umekuwa ukiporomosha mawe makubwa kutoka milima ya Mbulu Mbulu
Dereva wa Mamlaka ya Hifadhi ya Ngorongoro, Juma Mushi, ameponea chupu chupu kupoteza uhai katika mafuriko hayo, baada ya gari aina ya Toyota Land Cruiser SU 36037 kusombwa na mafuriko hayo katika mto Marera, nje kidogo ya mto wa Karatu, na kukokotwa kwa umbali wa kilometa 70 kutoka barabarani. 
 
Katika jitihada za kujiokoa, dereva huyo alilazimika kutoka kwenye gari lake na kupanda juu ya mti.

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro
http://www.facebook.com/kibonajoro
11 Apr 2014

Post a Comment

 
Top