SERIKALI IMETAKIWA KUFIKIA MAAMUZI YA HARAKA YA KUMTAFUTA MWEKEZAJI WA KIWANDA CHA CHAI MPONDE 'BUMBULI

• 

  SERIKALI imetakiwa kufikia maamuzi ya haraka ya kumtafuta mwekezaji mwingine wa kiwanda cha Chai cha Mponde kilichopo Halmashauri ya Bumbuli Wilayani Lushoto ili kuinusuru chai ya wakulima inayoendelea kuharibikia shambani kwa miezi minane sasa.
  
  Wakizungumza kwa nyakati tofauti wakulima hao walisema tangu kiwanda hicho kimefungwa mwaka jana chai yao inaendelea kuharibikia mashambani na kuwafanya kuwa na hali ngumu kimaisha kutokana na kukosekana soko la uhakika la zap hilo.
  
  

  Idrisa Mbega mkulima wa Chai katika halimashauri hiyo alisema wakulima wanachokiomba kwa serikali ni kuwafungulia kiwanda chao ili chai yao isiendelee kuharibika mashambani na kwamba kama serikali haitafanya hivyo watakifungua kiwanda hicho wenyewe kuinusuru chai yao.

  
  

  Hata hivyo Mkulima mwingine Alimasi Shemshami alisema baada ya kufikia maamuzi ya kukifunga kiwanda hicho serikali iliunda tume ambaye baadaye ilipendekeza kuundwa kwa uongozi wa muda katika kiwanda hicho ili kiwezesha shughuli za uzalishaji kuendelea lakini jambo la kusikitisha hadi sasa uongozi haujaundwa huku zao hilo likiendelea kuharibika .
  
  

  Aidha Kiwanda cha Mponde ambacho kinamilikiwa kwa ubia kati ya Umoja wa Wakulima wa chai{UTEGA} na Mwekezaji kilifungwa baada ya wakulima hao kugoma kupeleka maja ni mabichi wakituhumu mwekezaji huyo kuwa anawanyonya kwa kununua bei ndogo zao hilo, pamoja na kutokuwalipa kwa wakati.

  
  Pia jambo lingine ambalo kwa muda mrefu wakulima hao wamekuwa wakilalamikia ni pamoja na kuutuhumu uongozi wa UTEGA kuwasehemu ya mwekezaji hivyo kushindwa kutetea maslahi ya wakulima ambao waliwachagua.
  
  "Maamuzi ya kufungwa kwa kiwanda tuliyafanya sisi wakulima na tulifanya hivyo kwa maslahi yetu ,sisi maamuzi yetu hatumtaki mwekezaji pamoja na UTEGA ,tunachotaka ni kumpata mwekezaji mwingine huyuhapo tulipofikia naye panatosha,"alisema Shemshami.
  
  

  Kufuatia hali hiyo wakulima wa bumbuli inawalazimu kusafirisha zao hilo katika viwanda vidogo vya Dindira,na Hekulu wilayani korogwe ambapo nyakati za mvua zinaponyesha usafiri huwa mgumu na pia uwezo wa viwanda hivyo ni mdogo ikilinganishwa na chai wanayozalisha hivyo kujikuta wakipata adha kubwa.

  
  Mkurugenzi mtendaji wa halmashauri ya Bumbuli Beatreace Msomisialisema tangu kiwanda hicho kilivyoacha kufanya kazi halmashauri hiyo imeathirika kiuchumi ikizingatiwa kwamba kiwanda hicho kilikuwa tegemezi ya wakulima wengi wanaolima chai katika eneo hilo.
  
  

  Hata hivyo amewaomba wakulima kuvuta subra wakati serikali ikiangalia namna ya haraka ya kutatua mgogoro huo ambao umedumu tangu miaka kumi na tatu iliopita kabla ya kufungwa rasmi kwa kiwanda kiwanda hicho mwaka jana.

  
  Kilimo cha chai ndicho kilimo pekee kinachotegemewa na halmashauri ya Bumbuli kiuchumi na mgogoro huo umepelekea kurudisha nyuma maendeleo ya wakulima wa chai katika halmashauri hiyo.
  

  >>>>Habari kwa hisani ya Raisa Said, Bumbuli

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro