MWANAMKE ATUPA MTOTO WA SIKU MOJA CHOONI BAADA YA KUJIFUNGUA.

TAARIFA YA JESHI LA POLISI MKOA WA MBEYA KWA VYOMBO VYA HABARI

 “PRESS RELEASE” TAREHE 21.03.2014.   

• MTU MMOJA AUAWA KWA TUHUMA ZA WIZI WILAYA MBOZI.

• MWANAMKE ATUPA MTOTO WA SIKU MOJA CHOONI BAADA YA KUJIFUNGUA.

• MTOTO WA MWAKA MMOJA NA MIEZI KUMI AFARIKI DUNIA BAADA YA KUTUMBUKIA KWENYE NDOO YA MAJI.

 KATIKA TUKIO LA KWANZA:

MTU MMOJA ALIYEFAHAMIKA KWA JINA LA NOEL MWAMBENE (38) MKAZI WA KIJIJI CHA SUMBALUELA ALIKUTWA AMEUAWA KWA KUKATWA KATWA  SEHEMU MBALIMBALI ZA MWILI WAKE KWA KUTUMIA MAPANGA NA MTU/WATU WASIOFAHAMIKA.

TUKIO HILO LILITOKEA MNAMO TAREHE 20.03.2014 MAJIRA YA SAA 11:00 ASUBUHI KATIKA KIJIJI CHA HASANGA, KATA YA VWAWA, TARAFA YA VWAWA, WILAYA YA MBOZI BAADA YA WATU HAO KUMTUHUMU MAREHEMU KUWA NI  MWIZI.

AIDHA, INADAIWA KUWA MAREHEMU ALIKUWA MHALIFU MZOEFU NA ALIKUWA ANATAFUTWA KWA TUHUMA MBALIMBALI ZA MAKOSA YA UVUNJAJI.

MWILI WA MAREHEMU UMEHIFADHIWA KATIKA HOSPITALI YA WILAYA MBOZI. JUHUDI ZA KUWATAFUTA WALE WOTE WALIOHUSIKA KATIKA TUKIO HILI ZINAENDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA TABIA YA KUJICHUKULIA SHERIA MKONONI KWANI NI KINYUME CHA SHERIA NA BADALA YAKE WAWAFIKISHE WATUHUMIWA WANAO WAKAMATA KWA TUHUMA MBALIMBALI KATIKA MAMLAKA HUSIKA KWA HATUA ZAIDI ZA KISHERIA.

KATIKA TUKIO PILI:

MWANAMKE MMOJA ALIYEFAHAMIKA KWA JINA LA MWACHANE AMAN (18) MKAZI WA IDWELI ALIJIFUNGUA MTOTO JINSI YA KIKE NA KUMTUMBUKIZA KWENYE SHIMO LA CHOO CHA ENELI SAMOJA ROZINA AKIWA HAI.

TUKIO HILO LIMETOKEA MNAMO TAREHE 19.03.2014 MAJIRA YA SAA 22:00 USIKU KATIKA KIJIJI CHA IDWELI, KATA YA ISONGOLE, TARAFA YA  UKUKWE, WILAYA YA  RUNGWE. MTOTO HUYO ALIYEKUWA NA UMRI WA SIKU MOJA ALIOPOLEWA AKIWA TAYARI AMEFARIKI DUNIA. MTUHUMIWA AMEKAMATWA. CHANZO CHA TUKIO HILI KINACHUNGUZWA NA WAKATI HUO HUO UPELELEZI ZAIDI WA TUKIO HILI UNAENDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAZAZI KUACHA TABIA YA KUTUPA WATOTO KWANI NI KINYUME CHA MAADILI NA MWENENDO MWEMA WA JAMII, PIA NI KINYUME CHA SHERIA ZA NCHI.

KATIKA TUKIO LA TATU:

MTOTO MDOGO ALIYEFAHAMIKA KWA JINA LA BEATRICE SWALO MWENYE UMRI WA MWAKA MMOJA NA MIEZI KUMI AMEFARIKI DUNIA MUDA MFUPI WAKATI ANAPATIWA MATIBABU KATIKA ZAHANATI YA RUANDA BAADA YA KUTUMBUKIA KWENYE NDOO YA MAJI.

TUKIO HILO LIMETOKEA MNAMO TAREHE 20.03.2014 MAJIRA YA SAA 12:45 MCHANA HUKO MAKUNGURU, KATA YA ILEMI, TARAFA YA SISIMBA, JIJI NA MKOA WA MBEYA BAADA YA MAREHEMU KUTAMBAA NA KUELEKEA KWENYE NDOO ILIYOKUWA NA MAJI NA KISHA KUTUMBUKIA. WAKATI TUKIO HILO LINATOKEA MAMA MZAZI WA MTOTO HUYO ALIKUWA KAZINI NA MTOTO ALIKUWA NA MSICHANA WA KAZI.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAZAZI/WALEZI KUWA MAKINI NA WATOTO WADOGO IKIWA NI PAMOJA NA KUWEKA MBALI VITU VYA HATARI KAMA VISU, VIDONGE NA  VITU VINGINE VYA HATARI KWA WATOTO ILI KUEPUKA MADHARA YANAYOWEZA KUJITOKEZA.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro