UKATILI:- TAZAMA TASWIRA YA MTOTO ALIYEFUNGIWA NDANI NA BABA YAKE KWA MIEZI 7, KISA KIKIWA NI MTOTO HUYO KUJISAIDIA NDANI-BUKOBA

Muonekano Majeraha ya yaliyosababishwa na viboko kwenye makalio…ambapo Matukio ya ukatili yameendelea kuibuka nchini baada ya kugundulika kwa mtoto mwenye umri wa miaka sita katika Kijiji cha Bwizanduru Kata ya Maruku Wilaya ya Bukoba Vijijini mkoani Kagera ,akiwa amefungiwa ndani kwa miezi saba huku makalio yake yakiwa yamechanika kutokana na adhabu ya viboko.

 Mtoto huyo aitwaye Erick Emmanuel anatembea kwa shida huku akiwa na makovu mengi mwilini na sehemu ya makalio yake kuharibika vibaya. Amekuwa akipewa adhabu hiyo na baba yake mzazi.

Kwa mujibu wa majirani wa mtoto huyo ambaye anaishi na mama yake wa kambo aitwaye Fidea Emmanuel, anayedaiwa kumtesa mtoto huyo ni baba yake mzazi aliyejulikana kwa jina la Emmanuel  Justinian.

Chanzo cha mateso hayo inadaiwa kuwa mtoto huyo hujisaidia ndani na hivyo baba yake mzazi kuamua kumfungia kwa kipindi chote cha miezi saba bila kutoka nje huku kila siku mtoto huyo akipata adhabu kali ya viboko.

Mwili umejaa majeraha na makovu…… Mama wa kambo wa mtoto huyo Fidea Emmanuel aliiambia Mwananchi kuwa mume wake alikuwa akimpa adhabu mtoto huyo mara kwa mara hasa alipojisaidia au kukojoa ndani kwa kutumia fimbo ya mti wa m’buni.

Hata hivyo mama huyo wa kambo na Erick alisema kutokana na hali mbaya ya mtoto huyo iliyotokana na adhabu ya viboko,amekuwa akimtibu kwa kutumia dawa za mitishamba bila ya kufanyiwa vipimo au kupelekwa hospitalini.

Pia, mtoto huyo anaonekana kuwa na michirizi mikubwa katika sehemu ya kifua na tumbo pamoja na makovu makubwa mwilini mwake, alama ambazo zinahusishwa na viboko alivyokuwa akicharazwa na baba yake mzazi.

Naye, Mwenyekiti wa Kitongoji cha Maiga Audax Bayon, alisema kuwa ilikuwa ni vigumu kumuona mtoto huyo kwa kuwa kila aliyemuulizia aliambiwa yuko ndani akijifunza kusoma na watoto wengine jambo ambalo halikuwa kweli.

Michirizi iliyoachwa na viboko kwenye tumbo la mtoto Erick…. Mama mzazi wa mtoto huyo Aneth Brand ambaye anaishi Kijiji cha Bugabo wilayani humo alisema miezi saba iliyopita alimpeleka mtoto huyo kwa baba yake na kudai hakuwa na matatizo makubwa yanayomkabili mtoto wake, lakini sasa ana matatizo ikiwamo upungufu wa damu.

Akizungumzia tukio hilo Ofisa Mtendaji wa Kijiji cha Bwizanduru, Edward Mwemezi alisema pamoja na mtoto huyo kufanyiwa ukatili mkubwa kwa muda mrefu alisema familia ilijitahidi kuficha taarifa hizo hata kwa majirani.

Alisema baada ya kuendelea kuenea kwa uvumi  wa kuwepo kwa mtoto aliyefungiwa kwa muda mrefu  na kupewa mateso  katika familia hiyo waliamua kufuatilia na tayari mtuhumiwa amewekwa chini ya ulinzi kwa ajili ya hatua zaidi za kisheria.

Chanzo Na:-www.mwananchi.co.tz

Nyumba iliyotumika kama jela ya mateso ya mtoto Elick iliyopo katika Kijiji cha Bwizanduru Kata ya Maruku Wilaya ya Bukoba Vijijini mkoani Kagera.

 kama huja like ukurasa wetu wa facebook kwa habari zaidi BONYEZA HAPA

 

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro