SOKA:-Nigeria yawa Timu ya Kwanza kutinga 16 bora kutoka Africa Licha ya kufungwa 3-2 na Argentina.

Nyota: Lionel Messi (juu) aliifungia mabao mawili Argentina dhidi ya Nigeria.

TIMU ya Taifa ya Nigeria maarufu kama Super Eagles imefanikiwa kufuzu hatua ya 16 ya kombe la dunia licha ya kufungwa mabao 3-2 dhidi ya Argentina.

Mshambuliaji hatari wa kikosi cha Alejandro Sabella, Lionel Messi amefunga mabao mawili katika dakika ya 3 na 45  katika ushindi uliowapa Argentina ushindi wa asilimia 100 katika kundi lao la F.

Bao la tatu la Argentina limefungwa na Marcos Rojo katika dakika ya 50.

Mabao mawili ya Nigeria yamefungwa na Ahmed Musa katika dakika ya 4 na 47.

Katika michuano ya mwaka huu, dhahiri, Argentina inamtegemea zaidi Messi katika mechi zake.

Baada ya kufunga mabao hayo, kocha Sabella alimpumzisha nyota huyu wa FC Barcelona kwa ajili ya mikikimikiki ya hatua ya 16.

Pia Sabella alishuhudia mshambuliaji wake, Sergio Kun Aguero akitolewa nje ya uwanja kwa kile kilichoonekana kupata maumivu ya misuli tena.

Mtu muhimu: Messi (kulia) akifunga bao la kuongoza baada ya dakika tatu tu kupita

Asante mungu: Messi akinyosha vidole kama ishara ya kumshukuru mungu baada ya kufunga .

BOSNIA 3 vs 1 IRAN

Ngome imevunjwa: Edin Dzeko alikaa kimya baada ya kuifungia bao la kuongoza   Bosnia na Herzegovina.

MSHAMBULIAJI wa Manchester City aliye kwenye moto, Edin Dzeko ameaga mashindano ya kombe la dunia vizuri baada ya kuiongoza Bosnia kupata ushindi wa mabao 3-1 dhidi ya Iran.

Dzeko alikosolewa na mashabiki wa Bosnia baada ya kupoteza nafasi nyingi za kufunga kwenye mchezo wa pili dhidi ya Nigeria.

Lakini leo nyota huyo mwenye miaka 28 amefanya kazi na kuhakikisha analisaidia taifa lake lisimalize mechi za kundi lao la E likiwa mkiani, tena bila pointi katika michuano yao ya kwanza ya kombe la dunia.

Mshambuliaji wa Manchester City akifunga bao lake la kuongoza.

Kipa wa Iran  Alireza Haghighi aliambulia manyoya tu. 

kama huja jiunga nasi kwenye  ukurasa wetu wa facebook kwa habari zaidi BONYEZA HAPA 

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro