MTOTO WA MIAKA 13 ABAKWA, APOTEZA FAHAMU KWA SIKU TATU HOSPITALI

MWANAFUNZI wa Shule ya Msingi Liami wilayani Ifakara mkoani Morogoro (jina limehifadhiwa), amebakwa na watu wasiojulikana alfajiri ya Mei 5, mwaka huu nyumbani kwa bibi yake.

Akizungumza mama wa binti huyo mwenye umri wa miaka 13, Neema Ally akiwa wodi A ya watoto katika Hospitali ya Taifa Muhimbili alisema mtoto wao alienda nyumbani kwa bibi yake kulala baada ya kumaliza kula kwa wazazi wake.

Alisema watu waliofanya unyama huo, pia waliiba baiskeli kabla ya mtoto wao kuokolewa na wasamaria wema waliosikia mayowe yake ya kuomba msaada ambapo walimkuta akitokwa na povu mdomoni.

Alisema wasamaria wema hao walimkuta mtoto wake akiwa amepoteza fahamu kutokana na kukabwa koo wakati akifanyiwa kitendo hicho.

 Hali ilipozidi kuwa mbaya alipelekwa Hospitali ya St. Frances, Ifakara ambako nako hakukaa, akahamishiwa hapa katika Hospitali ya Taifa Muhimbili.

Ilimchukua muda wa siku tatu mtoto kupata fahamu, nawashukuru Mkurugenzi wa Halmashauri ya Mji wa Ifakara kwa  kutoa  gari la kubebea wagonjwa kwa haraka ili kunusuru maisha ya mwanangu na fedha

alisema Neema.

Kamanda wa Polisi Mkoa wa Morogoro, ACP Leonard Paul amethibitisha kutokea kwa tukio hilo.

 <<<<<BOFYA HAPA ULIKE PAGE YETU>>>>> >>

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro