Hot News: Askari wawili wauawa kwa kupigwa risasi na mmoja kujeruhiwa

Askari polisi wawili waliokuwa katika kizuizi cha barabara katika kijiji cha

Kipara mpakani mwa  wilaya ya mkuranga mkoani pwani wameuawa kwa kupigwa

Risasi huku askari mmoja akijeruhiwa baada ya kupigwa risasi kwenye paja  na

Watu wanaosadikika kuwa ni majambazi na kisha kupora bunduki moja.

 

Tukio hilo linadaiwa lilitokea tarehe 30 march 2015 majira ya saa moja usiku

Katika kizuizi kilichopo katika kijiji cha kipara wilaya ya mkuranga mkoani

Pwani sehemu inayotenganisha mkoa wa pwani na Dar es salaam ambapo watu

Wasiojulikana wakidaiwa kuwa na panga walivamia ghafla askari hao waliokuwa

Katika lindo na kuwauwa askari wawili kwa kuwapiga risasi huku askari mmoja

Akijeruhiwa kwa kupigwa risasi katika sehemu ya paja.

 

Licha ya ITV kufika katika kituo kikuu cha polisi kati jijini Dar es salaam

Ili kuzungumza na kamishna wa polisi kanda maalum ya Dar es salaam Suleman

Kova kuhusu tukio hilo la askari wa kanda yake,kamishana kova alikataa

Kuzungumza huku akisema anayetakiwa kuzungumza ni kamanda wa polisi mkoa wa

Pwani Urlich Matei ambaye licha ya kudaiwa kuwepo hapa jijini Dar es salaam

Na kupigiwa simu na mwandishi wa ITV lakini alipomaliza kutaja jina lake tu

Alikata simu na kisha kutuma ujumbe wa sms kwamba atafutwe kamanda wa polisi

Mkoa wa temeke ambapo licha ya ITV kufika temeke na kukuta kamanda wa mkoa huo

Hayupo na kuomba kuzungumza na kamishna Simon Siro lakini naye akakataa

Kuzunguimzia tuki hilo.

 

ITV ilifika katika hospitali ya temeke alipolazwa askari aliyejeruhiwa kwa

Kupigwa risasi kwenye paja na kuzungumza na mganga mfawidhi wa hospitali hiyo

Dk.Amani Malima ambaye alikiri kumpokea askari huyo huku askari huyo

Sajent Ally Jumamne kutoka kituo cha mbagala akisema anaendelea vyema kwa

Sasa.

 

Miili ya askari wawili waliojulikana kwa majina ya Sajent Francis na Coplo

Michael waliopoteza maisha katika tukio hilo zinadaiwa kuhifadhiwa katika

Hospitali ya taifa ya muhimbili jijini dar es salaam.

CHANZO:ITV

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro