Ahmadinejad akutana na rais-mteule Rohani

Rais wa hivi sasa wa Jamhuri ya Kiislamu ya Iran, Dk Mahmoud Ahmadinejad amekutana na rais-mteule Sheikh Hassan Rohani na wamejadiliana suala la kuundwa kamati itakayosimamia makabidhiano ya madaraka. 

Katika mkutano huo uliofanyika hapa Tehran leo asubuhi, Rais Ahmadinejad kwa mara nyingine amempongeza Hassan Rohani kwa ushindi wake katika uchaguzi wa rais uliofanyika Ijumaa iliyopita na kumtakia mafanikioa katika jukumu hilo zito. 

Rais Ahmadinejad amesema, serikali yake inayomaliza mihula miwili iko tayari kushrikiana na rais mteule ili kumpa uzoefu iliyoputapa. Baada ya kumalizika kikao hicho, Rais Ahmadinejad amesema, mazungumzo yake na Dk Rohani yalikuwa mazuri. 

Kwa upande wake, Rais-mteule Rohani ameshukuru Rais Ahmadinejad kwa kumtembelea na kusema kwamba, fursa hiyo ilikuwa nzuri kwa ajili ya kutathmini hali ya kiuchumi na kisiasa nchini Iran pamoja na kubadilishana mawazo. 

Rohani amesema, kipindi hiki cha mpito kinahitaji ushirikiano wa karibu. 

Ameongeza kuwa, serikali ijayo itatumia uzoefu wa serikali inayoondoka na hivyo uhusiano wa pande mbili utaendelea. Serikali ya duru ya 10 ya Rais wa Iran iliyoongozwa na Dk Ahmadinejad itamaliza muhula wake rasmi Agosti 3 mwaka huu, wakati ampapo Sheikh Hassan Rohani atakabidhiwa rasmi hatamu za uongozi. 

Rohani alichaguliwa kuwa rais wa Iran katika uchaguzi uliofanyika Ijumaa ambapo alipata asilimia 50.7 ya kura milioni 36,704,156.

Via http://kiswahili.irib.ir

Je, Una Habari,Picha,Tangazo,Makala,

Hifadhi blog hii kwenye simu yako ili upate habari zote kwa urahisi zaidi

Facebook Blogger Plugin by Kibonajoro